Fittex l-istituzzjonijiet u l-korpi kollha tal-UE.

L-Impriża Konġunta għall-Computing ta’ Prestazzjoni Għolja Ewropew taħdem fuq l-iżvilupp ta’ ekosistema tas-supercomputing ta’ klassi dinjija fl-UE.

L-Impriża Konġunta Idroġenu Nadif tappoġġja r-riċerka u l-innovazzjoni fit-teknoloġiji tal-idroġenu fl-Ewropa.

L-Impriża Konġunta Inizjattiva għal Saħħa Innovattiva qed tibdel ir-riċerka u l-innovazzjoni fil-qasam tas-saħħa f’benefiċċji reali għall-pazjenti u s-soċjetà u qed tagħmel l-industriji tas-saħħa tal-Ewropa globalment kompetittivi.

L-Impriża Konġunta Sistema Ferrovjarja Ewropea tfittex li twassal network ferrovjarju tal-UE b’kapaċità għolja, flessibbli, sostenibbli, affidabbli u integrat għall-passiġġieri u l-merkanzija Ewropej.

L-Impriża Konġunta taċ-Ċipep issaħħaħ l-awtonomija strateġika tal-UE fis-settur tal-komponenti u s-sistemi elettroniċi.

Is-Servizz Ewropew għall-Azzjoni Esterna hu s-servizz diplomatiku tal-UE, u jwettaq il-politika estera u ta’ sigurtà tal-UE.

Il-Kunsill Ewropew jiġbor flimkien lill-kapijiet ta’ stat jew ta’ gvern tal-UE. Jiddefinixxi d-direzzjoni u l-prijoritajiet politiċi ġenerali tal-Unjoni Ewropea.

Il-Kunsill tal-Unjoni Ewropea hu magħmul mill-ministri tal-gvern tal-UE li jiltaqgħu biex jiddiskutu, jemendaw u jadottaw il-liġijiet.

L-Aġenzija Ewropea għad-Difiża tappoġġja lill-pajjiżi kollha tal-UE fit-titjib tal-kapaċitajiet tad-difiża tagħhom.

L-Aġenzija Ewropea għall-Ambjent tipprovdi informazzjoni indipendenti lill-pajjiżi tal-UE dwar l-iżvilupp, l-implimentazzjoni u l-evalwazzjoni tal-politiki ambjentali.

L-Aġenzija Ewropea għall-Mediċini tippromwovi s-saħħa tal-bniedem u tal-annimali billi tevalwa u timmonitorja l-mediċini fl-UE.

L-Aġenzija Ewropea għas-Saħħa u s-Sigurtà fuq il-Post tax-Xogħol tgħin biex ikun hemm postijiet tax-xogħol aktar sikuri, aħjar għas-saħħa u aktar produttivi.

L-Aġenzija Eżekuttiva għar-Riċerka hi korp ta' finanzjament għar-riċerka u l-innovazzjoni. Hi timmaniġġja l-għotjiet tal-UE għar-riċerka.

L-aġenzija tgħin biex ikun hemm applikazzjoni konsistenti tar-regolamenti dwar il-komunikazzjonijiet elettroniċi madwar l-UE kollha.

L-EUDA tipprovdi lill-UE b’informazzjoni indipendenti dwar id-drogi u d-dipendenza fuq id-droga sabiex dawk li jfasslu l-liġijiet ikunu jistgħu jfasslu politiki effettivi dwar id-drogi.

L-Aġenzija tal-Unjoni Ewropea għaċ-Ċibersigurtà (ENISA) hija ddedikata għall-kisba ta’ livell komuni għoli ta’ ċibersigurtà fl-Ewropa kollha.

L-Aġenzija tal-UE għad-Drittijiet Fundamentali tipprovdi pariri indipendenti lil dawk li jieħdu d-deċiżjonijiet fil-livell tal-UE u f’dak nazzjonali dwar id-drittijiet fundamentali.

L-Aġenzija tal-Unjoni Ewropea għall-Ażil toffri appoġġ operazzjonali u tekniku lill-pajjiżi tal-UE biex tgħinhom jimplimentaw b’mod effettiv il-liġi tal-UE dwar l-ażil.

L-Aġenzija tal-Unjoni Ewropea għall-Ferroviji għandha l-għan li ttejjeb is-sistema ferrovjarja tal-UE billi tiżviluppa standards tekniċi u ta’ sikurezza komuni fl-UE kollha.