Bíonn Lá na hEorpa ann gach bliain an 9 Bealtaine agus déantar ceiliúradh ar an tsíocháin agus ar an aontacht san Eoraip ar an lá sin. Ar an dáta sin, déantar comóradh ar ‘Dearbhú Schuman’, togra stairiúil a rinne Robert Schuman, Aire Gnóthaí Eachtracha na Fraince, in 1950 lenar leagadh síos an bhunchloch le haghaidh comhar Eorpach. Féachtar ar mholadh Schuman mar thús an tionscadail as ar fhás an tAontas Eorpach.
In 2025 is ócáid speisialta é Lá na hEorpa agus ceiliúradh 75 bliana á dhéanamh againn ar dhearbhú Schuman. Faigh amach faoin scéal a bhí taobh thiar dá smaointe fadbhreathnaitheacha agus conas a chabhraigh siad linn an tAontas Eorpach a chruthú mar is eol dúinn inniu é.
Faigh eolas faoi ghníomhaíochtaí Lá na hEorpa